விருதுநகர் மாவட்டத்தில் விவசாயிகளுக்கு மாற்று ஏற்பாடு – தமிழக அரசின் அறிவிப்பால் விவசாயிகள் பயன் பெற வாய்ப்பு
விருதுநகர், நவ. 3:
விருதுநகர் மாவட்டத்தில் பயிர்க்கடன் வழங்க இயலாத தொடக்க வேளாண்மை கூட்டுறவு சங்கங்களின் உறுப்பினர்கள், அருகிலுள்ள மற்ற தொடக்க வேளாண்மை கூட்டுறவு சங்கங்களில் பயிர்க்கடன் பெற்றுக் கொள்ளலாம் என அறிவிக்கப்பட்டுள்ளது.
தமிழக அரசு அறிவித்துள்ள பயிர்க்கடன் மற்றும் உரங்கள் விநியோகத் திட்டத்தின் கீழ், கூட்டுறவு சங்கங்கள் மூலம் விவசாயிகளுக்கு பயிர்க்கடன் வழங்கப்பட்டு வருகிறது. அந்த வகையில், விருதுநகர் மாவட்டத்தில் சில தொடக்க வேளாண்மை கூட்டுறவு சங்கங்களில் போதிய நிதி வசதி உள்ளிட்ட காரணங்களால் பயிர்க்கடன் வழங்க இயலாத நிலை ஏற்பட்டுள்ளது.
இதனால், அந்தச் சங்கங்களின் உறுப்பினர்களும் பயிர்க்கடன் பெறுவதில் சிரமம் ஏற்படாமல் இருக்க மாற்று ஏற்பாடு செய்யப்பட்டுள்ளது.
அதன்படி, விருதுநகர் மாவட்டத்தில் மல்லாங்கிணறு, இனாம்காசிரெட்டிபட்டி, செட்டிப்பட்டி உள்ளிட்ட பகுதிகளில் உள்ள தொடக்க வேளாண்மை கூட்டுறவு சங்கங்களிலும், மேலும் கடன் வழங்கும் வசதியுள்ள அருகிலுள்ள கூட்டுறவு சங்கங்களிலும் விவசாயிகள் பயிர்க்கடன் பெறலாம் என தெரிவிக்கப்பட்டுள்ளது.
மேலும், ஆமத்தூர் தொடக்க வேளாண்மை கூட்டுறவு சங்கம், திருச்சுழி வட்டம் பி. புதுப்பட்டி தொடக்க வேளாண்மை கூட்டுறவு சங்கம் மற்றும் நரிக்குடி வட்டாரத்தில் உள்ள அழகாபுரி தொடக்க வேளாண்மை கூட்டுறவு சங்கம் உள்ளிட்ட சங்கங்கள் மூலமாகவும் கடன் வழங்குவதற்கான ஏற்பாடுகள் செய்யப்பட்டுள்ளதாக செய்தியில் குறிப்பிடப்பட்டுள்ளது.
இதன் மூலம் பயிர்க்கடன் வழங்க இயலாத சங்கங்களின் உறுப்பினர்கள், மாற்றுச் சங்கங்களில் உறுப்பினராகி பயிர்க்கடன் பெறுவதற்கான வாய்ப்பு ஏற்படுத்தப்பட்டுள்ளது.
விவசாயிகள் தங்களது பகுதிக்கு அருகிலுள்ள கடன் வழங்கும் வசதியுடைய தொடக்க வேளாண்மை கூட்டுறவு சங்கங்களை அணுகி, தேவையான விவரங்களைப் பெற்று பயிர்க்கடன் பெற்றுக்கொள்ளலாம்.
.jpeg)
