சென்னை: நாட்டில் அதிக சொத்துக்கள் உள்ள முதல்வர்கள் பட்டியலில் தமிழக முதல்வர் விஜய் மூன்றாம் இடத்தில் உள்ளார்.
மக்களாட்சி சீர்திருத்தங்களுக்கான அமைப்பு (ஏடிஆர்) மற்றும் தேசிய தேர்தல் கண்காணிப்பகம் ஆகியவை தேர்தல் பிரமாணப் பத்திரங்களை பகுப்பாய்வு செய்து அறிக்கை வெளியிட்டுள்ளன. இந்த ஆய்வின்படி, கர்நாடக முதல்வர் டிகே சிவக்குமார் ரூ.1413.8 கோடி சொத்துக்களுடன் நாட்டின் பணக்கார முதல்வராக உள்ளார். அவரைத் தொடர்ந்து ஆந்திர முதல்வர் சந்திரபாபு நாயுடு ரூ.931.83 கோடியுடன் இரண்டாம் இடத்திலும், தமிழக முதல்வர் விஜய் ரூ. 648.85 கோடியுடன் மூன்றாம் இடத்திலும் உள்ளனர். ஜம்மு-காஷ்மீர் முதல்வர் உமர் அப்துல்லா ரூ.55.24 லட்சம் மதிப்புள்ள சொத்துகளுடன் நாட்டிலேயே மிகக் குறைந்த சொத்துடைய முதல்வராக உள்ளார். ஆய்வு செய்யப்பட்ட 31 முதல்வர்களில் 4 பேர் (13 சதவீதம்) ரூ.100 கோடிக்கும் அதிகமான சொத்துகளைக் கொண்டுள்ளனர். மேலும், நாட்டில் உள்ள 31 முதல்வர்களின் சராசரி சொத்து மதிப்பு ரூ.118.07 கோடியாக உள்ளது.
